The Winds of Wonder

I am the Lord of the Nations

मी आहे स्वामी राष्ट्रांचा

क्रूर, नेसूनि घट्ट जाडजूड काळे धोतर,

करुनि अंधाराच्या कांबळीचे उपरणे,

बाळगून दुष्ट हेतू ओसाड उध्वस्थतेचा

आला होता नियतीच्या स्वयंपाकघरात;

हातात होती मोठी पळी जुन्या लोखंडाची

शिजत असणाऱ्या अन्नात टाकण्या विष,

जहर भात-भाजीत, कढईभर आमटीत;

घोर निद्रेत जागृतीत धावे धावे दुर्दैव,

दृष्ट लागणारी नजर करी सर्वनाश,

साध्य होई शत्रुत्वाने नकाराचे उद्दिष्ट;

उसाच्या मळ्यात कलुषित झाल्या भेल्या,

बनला काळ, ढकलीत घड्याळ मागे,

मोठ्या लाल विंचवाचा डंख प्राण घेण्या;

म्हणे, मी आहे बलवान स्वामी राष्ट्रांचा,

झुकती माझ्याच चरणी श्रेष्ठ म्हणणारे;

भ्रम हा मी आलो घालविण्या देवाचा,

कुठला तो, केवळ शून्यच आहे खरे;

उद्भवले हे शून्यातून शून्यात जाण्यास.

७ जून २०२५

The Spirit of Denial

Adapted from a Painting by Huta

The Antagonist