The Winds of Wonder

The Leaves of Palāsh Tree

पळसाची पाने 

०१: तीन पक्षी

उंच आकाशात उडाले तीन पक्षी; 

एकाचे पंख होते तपकिरी लाल, 

पाचूचा रंग दुसऱ्याच्या चोचीचा, 

बघा आहे येत, म्हणाला तिसरा, 

सोनेरी प्रभा नव्या आविष्काराची.

०२: परिपूर्णता

प्रसन्नता ह्या आनंदोत्सवात, —

परिपूर्ण जीवनात येईलच ती:

   सत्यधारक होईल गुण स्थूलाचा,

   लहाण्यात-मोठ्यात असेल सूक्ष्म,

   कारणभूत देह अग्निदिव्यातच.  

०३: हे कसे?

नळ नाही पण घागरीत पाणी,

आवाज येतो पण घंटा नाही;

— पळस नाही पण पाने तीन. 

०४: हल्ला 

असेल का देव देवळात?

सात वाजता गेली गुरे चरायला, 

— लपलेला आहे क्रूर झुडपात. 

०५: वाऱ्याची झुळूक

काळ्या रंगाची आली वाऱ्याची झुळूक 

घेत घेत हसणारी झाडी विश्वासात,

— आणि चमत्कार, तीच झाली शुभ्र. 

०६: महानता 

मुंगी वाहे साखरेचा कण,

हत्ती उसाचा जाडजूड भारा,

 — भूमी भगवंताचा थोर गोडवा.  

०७: गुपित 

आहे ते आरशात दिसेल, हो,

पण जे नाही तेही दिसेल का?

— पोकळीतील गुपित सापडेल का?

०८: न लागे मौल्यवान धातू

ह्या बाणाला न लागे धनुष्य,

ह्या अर्थाला ने लागे शब्द,

— भावना ज्यांना ने लागे हृदय. 

०९: नाहीत ग्रंथालयात ग्रंथ 

झोप पण नव्हते पाहिले स्वप्न,

मोठे भव्य ग्रंथालय, भरलेले, 

— पण तेथे नव्हता एकही ग्रंथ. 

१०: योजना नसे ती कुठे?

सुख आहे दुःखातही, नसे ते कुठे?

खरंच, अंधारातूनही पसरे प्रकाश,

— मृत्युमुळेच तर घडे आताचे जीवन. 

१६-१७ मे २०२५

The Flame of the Forest — Butea Frondosa

The Mother: Beginning of the supramental realisation