The Winds of Wonder

चंदनाचे झाड

चंदनाचे झाड वाढले मागे परसात 

पसरे फुलांचा सुगंध जगभरात ।

हांक ती तर हर्षध्वनिने दिलेली 

उल्हसित उत्कंठेला लाभलेली ।

निःशब्दतेत झाला स्फोट गंभीर,

वाहू लागली धन्य स्तुती झरझर ।

हासत नाचत येई उद्याची कविता 

अर्थगर्भित भविष्याचीच संहिता ।

सहाणेवर उगाळले मंत्र नवे नवे

शतकोटि देवतांची घेत नावे । 

वाढे भव्य चंदनाची वैभव-संपदा 

सर्वत्र रक्त चंदनाचीच प्रतिष्ठा ।

चंदनाचा प्रपंच, चंदनाचे हावभाव, 

चंदनाचा देव्हारा, चंदनाचाच देव ।

9 March 2025

Sandalwood cultivation

From the Internet

Sandalwood Flowers

Sandalwood Fruits