जांभळा रंग गहिरा
जांभळा रंग गहिरा, जांभळी पहाट,
गोड हसे उत्कंठा बघत आशेची वाट ।
उमले मोगऱ्याच्या शुभ्र कळ्या अंतर्देही
सुगंध भावनांचा कल्पकतेच्या ठायी ।
प्रभात उगवे उदात्त भविष्याची
काय ठरविले होते पूर्वी घडे तेची ।
नियतीने घेतली झेप अचानक मोठी
जुने प्राचीन गुणधर्म बदलण्यासाठी ।
रात्रीचा न होई स्पर्श चंद्र-तारकांना,
क्रियाकृतीत खोटारेपणा येईचना ।
ती बंधने, गळुनी पडे मनाच्या शृंखला,
मुक्तता नव्हे मोकळीक कर्तृत्वाला ।
सूर्य उतरे समईच्या अखंड वातीत
अस्तित्वाचे वास्तव्य घरा-घरात ।
28 February 2025
उमले मोगऱ्याच्या शुभ्र कळ्या
The Winds of Wonder 
Leave a comment