The Winds of Wonder

धन्यत्वाची महान प्रचिती

Freedom is to flourish in the Spirit’s Possibilities

समर्पिलें देवाला सर्व, दैवाधीन न होता,

क्रियाशील आत्मा उभारे समृद्धीचा संसार;

नाही देव देवघरातच, घर सांभाळण्या,

वाढे त्याची कीर्ती अणुरेणूत, विश्वाविश्वात;

उद्धार नव्हे मुक्ती नव्हे, चैतन्याचा प्रभाव,

आशा अपेक्षा करीत तेजःपूंज ज्वालाप्रति;

अचंबा असा, फुटले बोल माती धोंड्यांनाही,

नाचत हासत बहरली बाग अंगणात;

धावे धावे सरिता सांगण्या हर्ष अर्णवाला,

म्हणत मी जाई परत उगमाकडे उद्याच्या;

शब्दात अर्थाची अलौकिक बहुविविधता,

दृष्टांतांचा विस्मयकारी आविष्कार सगळा;

आले पलीकडच्या नभातून थवेच्याथवे,

शेंदुरी नारिंगी चंदेरी सोनेरी आनंदाचे;      

ऐकू येत आहेत स्तब्धतेचे सूर अंतरी,

तालांची चढउतार, संगीत सुमाधुर्याचे;

उधळीत गुलाल नाद जयजयकाराचा,

येई धन्यत्वाची महान प्रचिती क्षणोक्षणी.

५ सप्टेंबर २०२५

AI Created Image