The Winds of Wonder

The future of the Witch

चेटकिणीचे भवितव्य 

पहा बसलेला ह्या फांदीवर सुंदर पक्षी, 

दैदिप्यमान, लालसर पट्टा गळ्याखाली;

आत्मविश्वास असे त्याचा इथे येण्यात,

महत्प्रेरणेने स्फुरित दिव्यत्व साधण्या;

सांगे एक मौज काय विचित्र घडले एकदा,

भेटली होती रात्री काळी विद्रुप चेटकीण;

म्हणे, जाण हे पक्के, अधिक मास संपता 

मृत्यु तुझा अटळ आला जरी तू तेथून;

निर्णय माझा नव्हे, काळाचीच नक्की यंत्रणा,

नसे सुटका दैवगतीतून भल्याभल्यांचीही;

पण होतो मी निर्धास्त, आंतरिक निश्चितेत,

घेत सोनचाफ्याच्या  डहाळीवर हिंदोळे;

अग्निकुंडांतुनी उगवला होता हा अमर वृक्ष, 

शुभत्वाने वाढविलेला, स्पर्श न होई कशाचा;

अद्भुत अस्मानी तेज माझे, न छेदती शस्त्रे,

मज न जाळे पावक, देहही असे प्रज्वलीत;

नसे तिच्याजवळ प्रतिभा, संज्ञा संपदा,

त्रिकालदृष्टीच्या पलीकडचे पाहण्याची;

मग कसा ठरे तिचा शब्द खरा, अज्ञानी ती?

मी मुक्तच नव्हे, चैतन्यात असे क्रियाशील;

लहान कक्षेत न बांधलेला, श्रेष्ठ मी, महान,

दिव्यत्वाचा गूढ अंश दिव्यत्व वाढविण्यास;

एके दिवशी काळी चेटकीणही होईल सोनेरी 

सोन्याची फुले वेचण्या सोनचाफ्याखाली. 

२३ एप्रिल २०२५

The featured photo is of bulbul sitting on a wire in the garden, a song bird

Sonchafa Golden Champa Magnolia Champaka