The Winds of Wonder

The auspicious windfall

प्रभु इच्छा — हाचि संकल्प

निर्जिवत्व नव्हे जागृत स्तब्धता 

देहाचे समर्पण, काही न ठेवतां ।

नसे संकल्पना, नसे गंभीर भावना 

फक्त क्रियाशील उज्ज्वल चेतना ।

ज्याचे व्हावयास पाहिजे त्याचेच 

गंगेच्या जळाचे अर्घ्य गंगेचेच ।

घोर अंधाराचे ओझे नाहिसे झाले 

पण ते होते उद्देशानेच भारलेले ।

काळोखाच्या  दरडीतले घबाड 

नाही कोणत्याही नजरेच्या आड ।

निर्वाणाची हाक, अस्तित्वाचा शोध

शून्यातले  सामर्थ्य  रहस्यमय बोध ।

प्रभु इच्छा — हाचि संकल्प, हाचि ध्यास,

मंत्र नवप्रकृतीचा अजर जोपासण्यास ।

28 March 2025