येई क्रियाशील श्रेष्ठा
येई क्रियाशील श्रेष्ठा ब्रह्मपुरीहुनि
योगियाचा महा आदेश घेऊनि ।
गर्द उत्साहाने मोहरले आम्रवन
उत्स्फूर्त कोकिळ गायी तिचे गुणगान ।
जणू काही पेरले तिनेच नकळत
सोनियाचे बी नांगरलेल्या शेतात ।
उगवे अग्निसत्त्वाचे धनधान्य
नवतनुचे तेजःपुंज अमृत-अन्न ।
येई विपुलता तिच्या आगमनाने
हर्षभरित सौंदर्य तिचेच असणे ।
अगाध दिव्य अवतरे मृत्युप्रांते
आविष्कारे संकल्पिले होते ते ।
देहरूप बदले चेतनेप्रमाणे
विधात्याची इच्छा तिच्याच करणीने ।
11 March 2025
The Winds of Wonder 
Leave a comment