The secret of moonlight
चांदण्याचे गुपित
आली अंगणात रुपेरी चांदणी
नेसुनि केशरी झगझगीत पैठणी ।
माणिक-मोत्यांचा हार गळ्यात
मिष्किलता गालीच्या खळीत ।
पैंजण पायात ठरवी कालगती
रागसुरात चाले चाले नियती ।
भविष्यवाणीने सांगितली थोरवी,
वसे सर्वत्र ऋतंभरा, गावोगावी ।
म्हणूनच आले मी अंगणात
चांदण्याचे गुपित उकलीत ।
सांगे ती, आंतरात जशी मी जाई
प्रज्ञा तिथे देखील प्रत्ययास येई ।
ऐश्वर्य लेवूनी ऐश्वर्यच वाढे
विपुलता इथे तिथे चोहीकडे ।
7 March 2025
The Winds of Wonder 
Leave a comment